ჰიბრიდული სიმინდის პროგრამის განხორციელება სახელმწიფოს 4 მილიონი ლარი დაუჯდა, - ამის შესახებ განცხადება სოფლის მეურნეობის მინისტრმა ბაკურ კვეზერელმა აგრარული კომიტეტის სხდომაზე დეპუტატების კითხვის პასუხად განაცხადა.
კვეზერელის განმარტებით, სახელმწიფოს მიერ გაღებული თანხა არის მიზერული, რადგანაც შემოსავალი ფერმერებისთვის ამ პროგრამიდან იქნება გაცილებით მეტი.
კვეზერელის თქმით, მხოლოდ ექსპორტზე გატანილი სიმინდიდან ფერმერები დაახლოებით 40 მლნ დოლარს მიიღებენ, რაც საბოლოოდ დამოკიდებულია ფასზე თუ რა ფასად გაიყიდება ექსპორტზე ამა თუ იმ პერიოდში საქართველოში მოწეული სიმინდი. თუმცა კვეზერელი ვარაუდობს, რომ ადგილზე და ექსპორტზე გატანილი სიმინდიდან საბოლოოდ ფერმერები 100 მილიონი დოლარის შემოსავალს მიიღებენ.
