ოპოზიცია აცხადებს, რომ პროგრამა წარმატებული არ იყო. ის ჩავარდა და მის წარუმატებლობაზე მასში ჩართული პირების პასუხისმგებლობის საკითხი უნდა დაისვას.

ჯონდი ბაღათურია ამბობს, რომ პროგრამის ფარგლებში გაცემული სიმინდის თესლმა არ გაამართლა. რადგან დასავლეთ საქართველოში, კერძოდ კი მარტვილის რაიონში, ფერმერებმა სიმინდი ვერ მიიღეს და ის ჩალა რომელიც მოვიდა საქონლის საჭმელადაც კი არ გამოდგება.

ბაღათურია აცხადებს, რომ საქმე გამოსაძიებლად პროკურატურას უნდა გადაეცეს და სისხლის სამართლის საქმედ აღიძრას, რადგანაც ამ პროექტის ფარგლებში ზოგიერთმა ძალიან ბევრი ფული იშოვა და, სწორედ, ამ პირების პასუხისმგებლობის საკითხი უნდა დადგეს.

"ქრისტიან-დემოკრატების" წარმომადგენელი ლევან ვეფხვაძე კი განმარტავს, რომ მართლაც არიან ფერმერთა ნაწილი და ისინი არიან მცირე რაოდენობის, რომლებმაც სოლიდური რაოდენობის მოსავალი მიიღეს, თუმცა არის 20 ათასამდე ფერმერი, რომელმაც მოსავალი ვერ მიიღო.

ვეფხვაძე ამბობს, რომ მაშინ, როდესაც სოფლის მეურნეობის სამინისტროში სამინისტროს თანამშორმლები ერთმანეთისაგან თოხს და ნიჩაბს ვერ არჩევენ, ის 5 წლის განმავლობაში თავად ეწეოდა სოფლის მეურნეობას და მოჰყავდა სიმინდი, თავად თოხნიდა და ბარავდა და კარგად იცის თუ რა შრომა გასწია იმ გლეხობამ, რომლებმაც სახემწიფოსგან ჰიბრუდული სიმინდი იყიდა, თუმცა საბოლოოდ შედეგი ვერ მიიღო.

ქრისტიან-დემოკრატების კიდევ ერთი ლიდერი გიორგი ახვლედიანი კი აცხადებს, რომ ფერმერებმა, რომლებმაც განვადებით გამოიტანეს თესლი, მათ თანხის უკან გადახდა უწევთ 7 დეკემბრიდან, თუცმა ეს ფერმერები თანხის გადახდას ვერ მოახერხებენ, რადგანაც მათ მოსავალი ვერ მიღეს.

ოპოზიციონერი დეპუტატები აცხადებენ, რომ სახელმწიფომ ამ ფერმერებს გარკვეული შეღავათები უნდა დაუწესოს, რადგან მათ დაპირებული შედეგი ვერ მიიღეს და სიმინდი ვერ მოიყვანეს.

სოფლის მეურნეობის მინისტრი კი აცხადებს, რომ პროგრამა წარმატებულია და დეპუტატებს ყანაში მასთან ერთად გასვლას სთავაზობს, ართა ისინი ერთად დარწმუნდნენ თუ რამდენად წარმატებულია პროგრამა და თუ რა დიდი მოსავალი მიიღო იმ ფერმერებმა, რომლებიც პროგრამაში მონაწილეობდნენ.

კვეზერელის განმარტებით, წელს ქვეყანა ჰიბრიდული სიმინდის ხარჯზე 470 ათას ტონა სიმინდს მიიღებს, საიდანაც 100 ათასი ტონა ექსპორტზე გავა, და ქვეყნის გარეთ ჰიბრიდული სიმინდის გატანა 2 დღის წინ უკვე დაიწყო.

მინისტრი ამბობს, რომ ფერმერებმა მომავალი წლისთვის უკვე გაცილებით მეტი თესლის მიღება ითხოვეს, რაც 2010 წლის ნოემბერში მიიღეს, მაშინ როდესაც ამ პროგამაში ფერმერთა დარეგისტრირება დაიწყეს. მინისტრის აზრით პროგრამამ გაამართლა და ფერმერები სწორედ ამიტომ ითხვენ მეტი თესლის შესწყიდვას.

კვეზერელის განცხადებით, ის გამონათქვამები, რომლებიც ოპოზიციური პარტიებისგან მოდის ამ პროგრამის მისამართით ჩრდილს აყენებს იმ წარმატებულ ფერმერებს, რომლებმაც გაორმაგებული და გასამმაგებული მოსავალი მიიღეს. მინისტრი დეპუტატებს მხარდაჭერას თხოვს 2012 წლის ბიუჯეტის დაგეგმარებისას, რათა სახელმწიფომ კიდევ უფრო გაზარდოს პროგრამის დაფინანსება და 2012 წელს გაცილებით მეტმა ფერმერმა მიიღოს ჰიბრიდული სიმინდის თესლი.

კვეზერელის განმარტებით, ჰიბრიდული სიმინდის პროგრამის ხარჯზე სოფლის მეურნეობა იზრდება. მინისტრის თქმით, მეორე მესამე კვარტალში მშპ სოფლის მეურნეობაში გაიზარდა 3 პროცენტით და მეოთხე კვარტალში ზრდა გაცილებით მეტი იქნება.

კვეზერელი ამბობს, რომ წელს ქვეყნის მასშტაბით სიმინდი 166 ათას ჰექტარზე დაითესა, საიდანაც ჰიბრიდული სიმინდის დათესვა მხოლოდ 30 ათას ჰექტარზე მოხდა, რადგანაც შემოტანილი ჰიბრიდული თესლის მოცულობა მეტის საშაულებას არ იძლეოდა. მისივე ინფორმაციით, ყველაფერი უნდა გაკეთდეს, რათა 2012 წლისთვის ჰიბრიდული სიმინდი 50 ათას ჰექტარზე დაითესოს.