საფინანსო კომიტეტის სხდოიმაზე დღეს, საგადასახადო კოდექსში შესატანი ცვლილებები განიხილეს, რომლითაც სასაქონლო ოპერაცია - თავისუფალი საწყობი და ასევე, ღია და დახურული ტიპის მიხედვით საწყობების დაყოფა უქმდება. კომიტეტის თავმჯდომარის, ზურაბ მელიქიშვილის განცხადებით, საწყობში საქონლის დროებით შენახვის ვადა 5 კალენდარულ წლამდე იზრდება. შესაბამისად, სასაქონლო ოპერაციის განსაზღვრის ვადაც გაიზრდება, ხოლო დღგ-თი დაბეგვრის ობიექტებს რეექსპორტი ემატება.
ფინანსთა მინისტრის მოადგილის, რუსუდან კემულარიას განმარტებით, კანონპროექტის მიღებამ შესაძლოა სახელმწიფო ბიუჯეტის საშემოსავლო ნაწილის ზრდა გამოიწვიოს, რადგან სპეციალური სავაჭრო კომპანიის მიერ საქმიანობის წესის დარღვევისთის შესაბამის ჯარიმებს ითვალისწინებს.
მასალის გამოყენების პირობები