სამინისტროებს გრანტების გაცემის უფლებამოსილება ენიჭებათ. ამის შესახებ დღეს საფინანსო-საბიუჯეტო კომიტეტის სხდომაზე იმსჯელეს. "გრანტების შესახებ" კანონში შესატანი ცვლილების ინიციატორის, პარლამენტის წევრის, ანდრო ალავიძის განმარტებით, სამინისტროებს შესაძლებლობა ექნებათ, მათი მიზნებისა და ამოცანების მისაღწევად შემუშავებული პროგრამების განსახორციელებლად გასცენ გრანტები შესაბამის სუბიექტებზე, მათ შორის, სხვადასხვა სერვისის მიმწოდებელ არასამთავრობო ორგანიზაციებზე. ანდრო ალავიძის მოსაზრებით, ეს ხელს შუწყობს არასამთავრობო სექტორის განვითარებას.