რუსეთის პრემიერ-მინისტრმა ვლადიმერ პუტინმა განაცხადა, რომ იგი მზად არის რუსეთის პრეზიდენტის თანამდებობაზე იყაროს კენჭი. პუტინმა ასევე განაცხადა, რომ შესაძლოა მის ახლანდელ პოსტზე მომავალში დიმიტრი მედვედევი დაინიშნოს.
"ჩემთვის უზარმაზარი პატივია რუსეთის პრეზიდენტობაზე ვიყარო კენჭი. მომავალში თქვენი მხარდაჭერის იმედი მაქვს. პრეზიდენტის არჩევის შემდეგ რუსეთის მთავრობის ფორმირება უნდა მოხდეს - მინდა რუსეთის ყველა მოქალაქეს მოვმართო - მხარი დაუჭირეთ "ედინაია როსიას" დიმიტრი მედვედევით სათავეში", _ განაცხადა პუტინმა და აღნიშნა - "იმ შემთხვევაში თუ "ედინაია როსია" გაიმარჯვებს მთავრობის თავმჯდომარე შესაძლოა დიმიტრი მედვედევი გახდეს".
