საქართველოს პრეზიდენტი მიხეილ სააკაშვილი დღეს ამერიკის შეერთებული შტატების პრეზიდენტს ბარაკ ობამას შეხვდა.
როგორც პრეზიდენტის ადმინისტრაცია იუწყება, შეხვედრა არაფორმალურ გარემოში, გაეროს გენერალური მდივნის ბან კი მუნის სახელით გამართულ ლანჩზე გაიმართა, რომელსაც ტრადიციულად გენერალური ასამბლეის წევრი ქვეყნების ლიდერები ესწრებიან.
ამერიკისა და საქართველოს პრეზიდენტების საუბარი მეგობრულ ვითარებაში შედგა და ორი ქვეყნის ურთიერთობის საკითხებს შეეხო.
