მიუხედავად იმისა, რომ 2012 წელს არჩევნები დაგეგმილია რუსეთშიც და აშშ-შიც საქართველოს პრეზიდენტს მიხეილ სააკაშვილს მიაჩნია, რომ არჩევნები ამ ორი ქვეყნიდან მხოლოდ აშშ-ში ჩატარდება. ეს განცხადება მიხეილ სააკაშვილმა გაზეთ "სეგოდნიასთვის" მიცემულ ინტერვიუში გააკეთა.
"ამ ორი ქვეყნიდან არჩევნები მხოლოდ აშშ-ში ჩატარდება. რუსეთში ამას ძალიან პირობითად შეიძლება უწოდონ არჩევნები. ხოლო რაც შეეხება ცვლილებებს - თუ რუსეთი მოდერნიზირებას არ გაივლია, მაშინ მას მტანჯველი კოლაფსი ემუქრება და ეს ჩემი მოლოდინი როდია - ეს არის ის, რაზეც საუბრობს რუსეთის ელიტა, პოლიტოლოგები, მათი ხელმძვანელობაც საუბრობს ამაზე. თუ ქვეყნის პირველი პირი გამოდის სიტყვებით, "ჩვენ არ დავინგრევით და ჩვენ არ ჩამოვიშლებით" ეს უკვე ცუდის ნიშანია", _ აცხადებს მიხეილ სააკაშვილი.
მისივე თქმით, მას არასოდეს წარმოუდგენია ის, რომ საქართველო დაიშლება და აღიგვება პირისაგან მიწისა. "ამასთან ერთად მე ძალიან კარგად მახსოვს თუ როგორ დაიშალა საბჭოთა კავშირი და მე ვხედავ აშკარა ანალოგებს იმ პროცესებთან რაც დღეს რუსეთში ხდება.
მასალის გამოყენების პირობები
