ბათუმის საინვესტიციო სააგენტომ ყინულის ჰოკეიში შვედეთის ერთ-ერთი ყველაზე პოპულარული პროფესიონალური კლუბის "AIK"-ის სამეთვალყურეო საბჭოს თავჯდომარეს პეტერ მელკვისტს, კლუბის გენერალურ მენეჯერსა და პიარმენეჯერს უმასპინძლა.
შეხვედრას დაესწრნენ აჭარის ფინანსთა და ეკონომიკის მინისტრი, ვაჟა ბოლქვაძე და საქართველოს ელჩი შვედეთში, კონსტანტინე ქავთარაძე. სააგენტოს თანამშრომლებმა პრეზენტაციის სახით სტუმრებს გააცნეს აჭარაში არსებული საინვესტიციო შესაძლებლობები, რასაც მოჰყვა დიდი დაინტერესება ტურიზმის სექტორში განსახორციელებელი პროექტებისადმი, კერძოდ კი, გოლფის მოედნის მშენებლობისადმი.
პეტერმა აღნიშნა აჭარის რეგიონის განვითარების სწრაფი ტემპები და გამოხატა დაინტერესება შვედური ინვესტიციების აჭარაში შემოდინების მხრივ. მიმდინარე ვიზიტის მნიშვნელობა ელჩმა შეაფასა, როგორც ქართულ-შვედური ურთიერთობის შემდგომი განვითარების კარგი დასაწყისი.