რუსთაველის თეატრის სამომავლო გეგმებთან დაკავშირებით დასის პოზიცია ორად იყოფა. თეატრის დასის ნაწილი ფიქრობს, რომ რობერტ სტურუას თანამდებობიდან გათავისუფლების საპროტესტოდ დასმა მუშაობა უნდა შეწყვიტოს და სპექტაკლების დადგმაზე უარი თქვას, ნაწილი კი მიიჩნევს, რომ ხელისუფლებას ბრძოლა სწორედ ახალი წარმოდგენების დადგმით უნდა გამოუცხადონ.
სწორედ ასეთი განსხვავებულია თეატრის დასისა და ზოგადად კულტურის სფეროს წარმომადგენლების პოზიცია, რომელიც მათ დღეს, სტურუას გათავისუფლების საპროტესტოდ, რუსთაველის თეატრის წინ გამართულ შეკრებაზე დააფიქსირეს.
