ოკუპირებულ ტერიტორიებთან მიმართებაში ახალ სტრატეგიაში აფხაზეთში მცხოვრებთა სოციალური უზრუნველყოფის საკითხიც იქნება გათვალისწინებული. ამის შესახებ გადაწყვეტილება პარალმენტის თავმჯდომარემ დავით ბაქრაძემ დღეს ბიუროს სხდომაზე მას შემდეგ გაახმოვანა, რაც საკითხი ვიცე-სპიკერმა პაატა დავითაიამ დააყენა.
როგორც დავითაიამ აღნიშნა, აფხაზეთში იმ პირებს, ვისაც არ გააჩნიათ რუსეთის პასპორტი, პენსიებს აღარ აძლევენ. იგი ხელისუფლებას აღნიშნული საკითხის გათვალისწინებას სთხოვს.
"არ ვიცი, რა ფორმით შეიძლება ჩავერიოთ ამ საკითხში, მაგრამ აუცილებელია, ამ ადამიანების სოციალური უზრუნველყოფა მოხდეს. საუბარია სულ 76 ათასამდე პენსიონერზე", - აცახდებს დავითაია.
დავით ბაქრაძის თქმით კი, შესაძლებელია, ეს საკითხი მოგვარდეს ისე, როგორც აქამდე გვარდებოდა აფხაზეთში მცხოვრებთა ჯკანდაცვის საკითხები. როგორც ბაქრაძე განმარტავს, დღემდე არ ხმაურდება ეს ფაქტები, მაგრამ რეალურად როდესაც აფხაზეთში მცხოვრებლებს სჭირდებათ სამედიცინო დახამრება, ისინი სარგებლობენ საქართველოს ცენტრალური ხელისუფლების დახმარებით. იგი იმედოვნებს, რომ სოციალური საკითხის ამ გზით გადაჭრაც იქნება შესაძლებელი.
როგორც ბაქრაძე აღნიშნავს, პარლამენტი მიმართავს მთავრობას, ამ საკითხის ამ გათვალისწინება მოხდეს ოკუპირებულ ტერიტორიებთან მიმართებაში ახალი სტრატეგიის დოკუმენტში, რომელიც ახლა მუშავდება და რომლის პრეზენტაცია თემურ იოაკობაშვილმა სულ რამდნიმე დღის წინ გამართა.
