საგარეო საქმეთა მინისტრი გრიგოლ ვაშაძე საქართველოში ევროკავშირის სადამკვირვებლო მისიის ახლადდანიშნულ ხელმძღვანელ ანდჟეი ტიშკევიჩს შეხვდა.
საგარეო უწყების ინფორმაციით, შეხვედრა გაცნობით ხასიათს ატარებდა.
მხარეებმა საქართველო-ევროკავშირის სადამკვირვებლო მისიის ურთიერთობების დღის წესრიგში არსებული აქტუალური საკითხები და თანამშრომლობის პერსპექტივები განიხილეს.
ხაზი გაესვა საქართველოში ევროკავშირის სადამკვირვებლო მისიის ფუნქციონირების მნიშვნელობას.
