ცენტრალურ ავღანეთში სამთავრობო კომპლექსზე ბოევიკების თავდასხმის შედეგად 19 ადამიანი დაიღუპა.
"ბი-ბი-სის" ინფორმაციით, შეიარაღებული ბოევიკები, მათ შორის თვითმკვლელები თავს პროვინცია ფარვანის გუბერნატორის ადმინისტრაციულ შენობას დაესხნენ. თავიდან ბოევიკებმა მანქანაში ჩამონტაჟებული ასაფეთქებელი მოწყობილობა მოიყვანეს მოქმედებაში, შემდგომ კი მთავრობის სახლში შეჭრას შეეცადნენ.
შემთხვევის ადგილზე ბოევიკებსა და სამართალდამცველებს შორის სროლა რამდენიმე საათს გაგრძელდა.
შენობაზე თავდასხმა იმ დროს მოხდა, როცა იქ ადმინისტრაციის თათბირი იმართებოდა და მასში მონაწილეობას ადგილობრივი პოლიციის, დაზვერვისა და საერთაშორისო კოალიციის წარმომადგენლები იღებდნენ.
