ლიბიელი მეამბოხეები კადაფის პოზიციებს ასუსტებენ. გარდამავალი ეროვნული საბჭოს ინფორმაციით, ამბოხებულებმა ტრიპოლიდან 50 კილომეტრის დაშორებით მდებარე სტრატეგიულად მნიშვნელოვან ქალაქზე კონტროლი აღადგინეს.
ტელეკომპანია "ალ ჯაზირას" ინფორმაციით კი, აჯანყებულებმა აზ ზავია დაიბრუნეს და ახლა მათი ძალები დედაქალაქისკენ მიემართებიან.
სააგენტო "როიტერის" ინფორმაციით, მოსახლეობა აზ ზავიაში გამარჯვებას უკვე ზეიმობს. მთავრობის პრესსპიკერი კი გავრცელებულ ინფორმაციას უარყოფს. მუსა იბრჰაიმის განცხადებით, აზ ზავიას ისევ სამთავრობო ჯარები აკონტროლებენ.