სირიაში მდგომარეობა კვლავ უკიდურესად დაძაბულია. გავრცელებული ინფორმაციით, სამთავრობო ჯარებმა ქალაქ ჰამაში ორი საავადმყოფო დაბომბეს.
თვითმხილველების ინფორმაციით, თავდასხმის შედეგად, მძიმედ დაიჭრა რამდენიმე ექიმი. ბოლო ორი დღის განმავლობაში სირიის არმიამ 30 ადამიანის სიცოცხლე იმსხვერპლა.
პარალელურად, საერთაშორისო საზოგადოება ქვეყნის წინააღმდეგ სანქციების გამკაცრებაზე მსჯელობს.
არეულობა სირიაში 18 მარტს დაიწყო. ადამიანის უფლებათა დამცველი ორგანიზაციების ინფორმაციით, საპროტესტო აქციების მიმდინარეობისას სამთავრობო არმიამ 1700 ადამიანის სიცოცხლე იმსხვერპლა.