დიდ ბრიტანეთში ყველაზე ძვირადღირებული სახლი, რომელიც დაცულ არქიტექტურულ ობიექტს წარმოადგენს, 140 მილიონ ფუნტ სტერლინგად ამ დრომდე უცნობმა რუსეთის მოქალაქემ შეიძინა.
ოქსფორდის საგრაფოში მდებარე სახლი დღემდე დიდ ბრიტანეთში ერთ-ერთ ყველაზე ძვირადღირებულად მიიჩნეოდა. უნდა აღინიშნოს, რომ ამავე კომპლექსში შემავალი ერთი ბინა უკრაინელმა ბიზნესმენმა რენატ ახმეტოვმა რამდენიმ თვის წინ 136 მილიონად იყიდა.
სახლთან ერთად ახალმა მყიდველმა რამდენიმე ჰექტარი მიწაც შეიძინა, რომელიც მოიცავს პარკს, ძეგლებს, კოტეჯებს, სანაოსნო სადგურს მდინარე ტემზაზე და სხვა ობიექტებს.
უნდა აღინიშნოს, რომ სახლს მრავალი ცნობილი მეპატრონე ჰყავდა, მათ შორის გეორგ მეორეს უფროსი შვილი უფლისწული ფრედერიკ უელსელი.