პალესტინის დამოუკიდებლობის აღიარების მოთხოვნით, ავტონომიის ლიდერი მაჰმუდ აბასი გაეროს მიმართავს.
ავტონომიის საგარეო უწყების ინფორმაციით, სექტემბერში აბასი ნიუ-იორკში გაემგზავრება, სადაც გაეროს 66-ე გენერალური ასამბლეა გაიხსნება.
ავტონომიის ლიერებების პროგრამა მაქსიმუმს აღიარება და გაეროს წევრობა წარმოადგენს. ამავდროულად ისინი თანახმანი არიან გარკვეული წინააღმდეგობის შემთხვევაში "დამკვირებელი ქვეყნის " სტატუსი "გაეროს არაწევრი სახელმწიფოს" სტატუსით შეეცვალოთ, როგორც ამას გაეროს 1947 წლის №181 რეზოლუცია ითვალისწინებს.
ისრაელის პრემიერ-მინისტრმა უკვე გამოთქვა თავისი უარყოფითი პოზიცია აღნიშნულ საკითხთან დაკავშირებით.
ასევე ცნობილია აშშ-ის პოზიციაც, რომელმაც ავტონიმიის ლიდერებს ისრაელთან მოლაპარეკებების განახლებისკენ მოუწოდა.
ისრაელში აცხადებენ, რომ პალესტინის სახელმწიფოს შექმნა შესაძლებელია მხოლოდ მოლაპარაკებების საფუძველზე.
თავის მხრივ პალესტინის ხელისუფლება აცხადებს, რომ ისრაელთან მშვიდობიანი მოლაპარაკებების განახლება შესაძლებელია მხოლოდ იმ შემთხვევაში, თუ ისრაელი უარს იტყვის დაპყრობილ ტერიტორიებზე დასახლებების მშენებლობაზე.
პალესტინელებს სურთ დამოუკიდებელი სახელმწიფო შექმნან ტერიტორიაზე, რომელიც მოიცავს ღაზას სექტორს, მდინარე იორდანეს დასვლეთ ნაწილს და აღმოსავლეთ იერუსალიმს.
ისრაელის მედია ავრცელებს ინფორმაციას, რომ პალესტინის ავტონომიის ლიდერი მაჰმუდ აბასი ბოლო დროს ოთხჯერ, საიდუმლო ვითარებაში, შეხვდა ისრაელის პრეზიდენტს შიმონ პერესს. მოლაპარაკებების მთავარი თემა მხარეებს შორის სამშვიდობო დიალოგის განახლება იყო.
მასალის გამოყენების პირობები
