ბელორუსის, რუსეთისა და ყაზახეთის პრეზიდენტები 2012 წლის 1-ელი იანვრიდან ერთიანი ეკონომიკური სივრცის შექმნაზე შეთანხმდნენ.
ამის შესახებ ნათქვამია სამი სახელმწიფო მეთაურების არაფორმალური სამიტის შედეგების შესახებ გამოქვეყნებულ ერთობლივ განცხადებაში.
ალექსანდრე ლუკაშენკო, დიმიტრი მედვედევი და ნურსულთან ნაზარბაევი ასევე ადასტურებენ, რომ სამეულის საბაჟო კავშირი ფუნქციონირებას 2010 წლის 1-ელი იანვრიდან დაიწყებს.
"საბაჟო კავშირი ხელს შეუწყობს ურთიერთკავშირის ზრდას, პროდუქციების კონკურენტუნარიანობის ამაღლებას და საინვესტიციო პერსპექტივებს", - მიიჩნევენ პრეზიდენტები.
ამასთან, დოკუმენტში აღნიშნულია, რომ საბაჟო კავშირის შექმნის ინიციატორები მიესალმებიან მის გაფართოებას და მასში გაერთიანებისკენ სხვა სახელმწიფოებსაც მოუწოდებენ.
