პოლიტიკური პარტია „თავისუფალი საქართველოს" რეგიონული მდივანი, გამგეობის წევრი, გია ყრუაშვილი აცხადებს, რომ საქართველოს რკინიგზაზე მოსალოდნელია ავარიების სერია.
როგორ ყრუაშვილმა დღეს გამართულ ბრიფინგზე განაცხადა, საქართველოს რკინიგზის ხელმძღვანელობამ ფაქტობრივად აღიარა ის ფაქტი, რომ რკინიგზაში სერიოზული დარღვევებია და რამდენიმე დღის წინ გამოსცა ბრძანება N 0000685, სადაც ნათქვამია, რომ სხვადასხვა ფაქტორების გამო მაქსიმალური სიჩქარე 100 კმ/საათის ნაცვლად დაშვებულ იქნას 65კმ/საათი. ბრძანებას ხელს აწერს მგზავრთა გადაყვანის დირექტორი თეიმურაზ ბულია.
"გამომდინარე პრობლემის აქტუალობიდან, პოლიტიკურმა პარტიამ "თავისუფალი საქართველო" ამ დარგის სპეციალისტებთან ერთად დეტალურად შეისწავლა შპს „საქართველოს რკინიგზაში" არსებული მდგომარეობა. მინდა გითხრათ, რომ მდგომარეობა მართლაც საგანგაშოა: ელმავლებს და ელექტრომატარებლებს არ უტარდება შესაბამისი ტექნიკური მომსახურება, ვაგონების თითქმის 95 პროცენტი ამორტიზირებულია, ლიანდაგის ტექნიკური მდგომარეობა არ შეესაბამება ექსპლუატაციის ნორმებს, ელმავლების აბსოლუტური უმრავლესობა აღარც კი ექვემდებარება ქარხნულ აღდგენას", - განაცხადა ყრუაშილმა
მისივე თქმით, გამომდინარე პრობლემის აქტუალობიდან, პოლიტიკურმა პარტიამ "თავისუფალი საქართველო" ამ დარგის სპეციალისტებთან ერთად დეტალურად შეისწავლა შპს „საქართველოს რკინიგზაში" არსებული მდგომარეობა და მდგომარეობა მართლაც საგანგაშოა.
"ელმავლებს და ელექტრომატარებლებს არ უტარდება შესაბამისი ტექნიკური მომსახურება, ვაგონების თითქმის 95 პროცენტი ამორტიზირებულია, ლიანდაგის ტექნიკური მდგომარეობა არ შეესაბამება ექსპლუატაციის ნორმებს, ელმავლების აბსოლუტური უმრავლესობა აღარც კი ექვემდებარება ქარხნულ აღდგენას", - განაცხადა ყრუაშვილმა.
"ზემოთ მოყვანილი ფაქტებიდან გამომდინარე მივმართავთ საქართველოს გენერალურ პროკურატურას, დაიწყოს გამოძიება შპს „საქართველოს რკინიგზაში" არსებული მდგომარეობის შესასწავლად, ასევე მივმართავ ხელისუფლებას, სასწრაფოდ იქნას ირაკლი ეზუგბაია ჩამოშორებული დაკავებულ თანამდებობას და საქართველოს რკინიგზას ჩაუტარდეს გადაუდებელი ტექნიკური მონიტორინგი. წინააღმდეგ შემთხვევაში მაღალი ალბათობით მოსალოდნელი ავარიის შედეგებზე პასუხს აგებს, როგორც რკინიგზის ადმინისტრაცია, ასევე ხელისუფლების ის წარმომადგენლები, რომლებიც მფარველობას უწევენ ბ-ნ ეზუგბაიას", - განაცხადა პარტიის რეგიონული მდივანმა და აღნიშნა, რომ "თავისუფალი საქართველო"-ს წარმომადგენლები რკინიგზის სპეციალისტებთან ერთად რამსდენიმე დღეში წარმოადგენს მათ მიერ ჩატარებული მონიტორინგის შედეგად მოპოვებულ ვიდეო და აუდიო მასალებს, სადაც ჩანს თუ როგორ საფრთხეს შეიცავს საქართველოს რკინიგზით სარგებლობა.
