თბილისელები დღეიდან დასუფთავების გადასახადს ახალი სისტემით გადაიხდიან.
ცვლილების მიხედვით, ყოველ დახარჯულ 1 კილოვატ ელექტროენერგიაზე დასუფთავების გადასახადი 5 თეთრით განისაზღვრება.
მმართველი პარტიის წევრები განმარტავენ, რომ გადახდის ახალი სისტემით, საშუალო და დაბალი შემოსავლის მქონე ოჯახები ბევრად უფრო ნაკლებს გადაიხდიან, ვიდრე დღევანდელი მდგომარეობით იხდიდნენ.
ქალაქის მთავრობის მტკიცებით, სოციალურად დაუცველი მოსახლეობის გადასახადის ნახევარს მერია დაფარავს, გადასახადს აღარ გადაიხდიან ის ოჯახები, რომელთაც ბინები დაკეტილი აქვთ და კონკრეტულ მისამართზე რეალურად არ ცხოვრობენ.
