იაშვილის სახელობის კლინიკაში ჩვილი გარდაიცვალა.
ის თბილისში წუხელ ღამით, საჩხერის სამშობიარო სახლიდან გადმოიყვანეს. ექიმების განცხადებით, ახალშობილს სიცოცხლისთვის შეუთავსებელი დაავადებები აღენიშნებოდა, თუმცა პაციენტის მშობლები და ნათესავები მომხდარში ექიმს ადანაშაულებენ.
ჩვილის ნათესავების მტკიცებით, საჩხერის სამშობიარო სახლის ექიმ-გინეკოლოგ ვაჟა ცირეკიძეს მათ საკეისრო კვეთის გაკეთება სთხოვეს, რადგან ნაყოფი 5 კილოგრამს იწონიდა, თუმცა ექიმმა მასზე უარი თქვა. საკეისრო კვეთა საბოლოოდ მაინც გაკეთდა, თუმცა ჩვილის გადარჩენა უკვე ვეღარ მოხერხდა.
ახალშობილის დედა, 19 წლის ნათია მუჯირი საჩხერის საავადმყოფოში რჩება.
