მახაჩკალაში უცნობმა პირებმა დაღესტნის პრეზიდენტის საინფორმაციო-ანალიტიკური სამმართველოსა და პრესსამსახურის უფროსი გარუნ ყურბანოვი და მისი მძღოლი მოკლეს. ინფორმაციას ამის შესახებ დაღესტნის შს სამინისტრო ავრცელებს.
"ინციდენტი დილით მოხდა. უცნობმა პირებმა ყურბანოვის ავტომობილს გაუხსნეს ცეცხლი. ამტომობილში მსხდომი ორივე ადამიანი დაიღუპა. ცეცხლი ყურბანოვის მიმართულებით მაშინ გაიხსნა, როდესაც იგი სახლიდან გამოვიდა და ავტომობილის მიმართულებით წავიდა", _ იუწყება რუსული მედია. შემთხვევის ადგილზე ამჟამად ოპერატიულ -სამძებრო ჯგუფი მუშაობს.
რუსული მედიის ინფორმაციით, გამოძიება მკვლელობის ძირითად ვერსიად ყურბანოვის საქმიანობას განიხილავს. განცხადება ამის შესახებ რუსეთის საგამოძიებო კომიტეტის ოფიციალურმა წარმომადგენელმა ვლადიმერ მარკინმა გააკეთა.
