BoomBully - ის ქსელის ჰოსტელი თბილისისა და მესტიის შემდეგ ბათუმშიც გაიხსნა. აჭარის ტურიზმის დეპარტამენტის ინფორმაციით, ბათუმის ცენტრში კლდიაშვილის ქუჩის N32-ში მდებარე ჰოსტელი დღესდღეობით საქართველოში ყველაზე დიდი ჰოსტელია, რომელიც 58 ადგილს მოიცავს და სხვა მრავალი ინოვაციითაც გამოირჩევა.
ტურიზმის დეპარტამენტში განმარტავენ, რომ ეს არის ასევე ბათუმში ერთადერთი party hostel, რომელიც აღჭურვილია ორი ბარით, გასარუჯი ტერასით, ბარბიქიუსათვის განკუთვნილი სივრცით, უფასო wi-fi ინტერნეტით, 24 საათიანი დაცვით, ბარგის შესანახი სერვისით და ა.შ
თანამედროვე ტიპის ჰოსტელი გამოირჩევა თავისი ადგილმდებარეობითაც, იგი 26 მაისის პარკთან, სასტუმრო შერატონთან სულ ახლოს, ზღვიდან ზუსტად 5 წუთის სავალზეა. ჰოსტელის უკან მდებარეობს ასევე ქალაქის მთავარი ქუჩა - რუსთაველის გამზირი, სადაც შესაძლებელია ტურისტული საინფორმაციო ცენტრით სარგებლობა. დაწვრილიებითი ინფორმაციისათვის შეგიძლიათ იხილოთ ჰოსტელის ვებ-გვერდი boombullybeach.com, რომელზედაც დაჯავშნის სისტემასთან ერთად სხვა მრავალ სიახლეს გაეცნობით.