ოსლოში დაღუპულთა რაოდენობამ 91 მიაღწია. დაღუპულთა აღნიშნული რაოდენობა ნორვეგიას მეორე მსოფლიო ომშიც კი არ ახსოვს. სულ მცირე 84 ადამიანი დაიღუპა ახალგაზრდულ ბანაკზე მომხდარი თავდასხმის დროს. თავდასხმამდე რამდენიმე ხნით ადრე კი, ოსლოს ცენტრში პრემიერ-მინისტრის ოფისთან მომხდარ აფეთქებას კი 7 ადამიანის სიცოცხლე შეეწირა, 10 დაიჭრა.
თავდამსხმელი უკვე დაკავებულია. ნორვეგიის 32 წლის მოქალაქეს, ანდერს ბერინგ ბრეივიკიას ბანაკზე თავდასხმასა და ოსლოს ცენტრში აფეთქების მოწყობაში ბრალი უკვე წაუყენეს. ქვეყნის პრემიერ მინისტრმა, მომხდარს ნაციონალური ტრაგედია უწოდა.
"არასოდეს მეორე მსოფლიო ომის დროიდან ქვეყანაში ამგვარი მასშტაბის დანაშაული არ მომხდარა", _ განაცხადა ნორვეგიის პრემიერმა იენს სტელბერგმა და აღნიშნა, რომ ოსლოში მომხდარი აფეთქების მსხვერპლი პრემიერ-მინისტრის აპარატის რამდენიმე თანამშრომელი გახდა.
მაღალმა, პოლიციის ფორმაში ჩაცმულმა მამაკაცმა, რომელიც ავტომატითა და პისტოლეტით იყო შეიარაღებული, ზაფხულის ახალგაზრდული ბანაკის დამსვენებელთა მიმართულებით ცეცხლი გახსნა. ნორვეგიის პრემიერი სწორედ ამ ბანაკში უნდა ჩასულიყო და ახალგაზრდები მის წინაშე კულტურული პროგრამით უნდა წარმდგარიყვნენ.
პოლიციამ დაკავებული უკვე დაკითხა და მის ბინაში ცხრეკაც ჩაატარა.
არსებული ინფორმაციით, ახალგაზრდულ ბანაკში მისვლისთანავე მამაკაცმა ახალგაზრდები შემოიკრიბა და განაცხადა, რომ მან უნდა გააკეთოს განცხადება ოსლოში რამდენიმე საათის წინ მომხდარ აფეთქებასთან დაკავშირებით. როდესაც ახალგაზრდები მოგროვდნენ მან შეკრებილი ხალხის მიმართულებით ცეცხლი გახსნა.
ბანაკში დაუყოვნებლივ გააგზავნეს მილიციის დანაყოფი, რომელიც კონტრტერორისტული ოპერაციების ჩატარებაშია სპეციალიზებული.
იმავე დღეს, რამდენიმე საათით ადრე ნორვეგიის დედაქალაქის ცენტრში, სამთავრობო კვარტალში, პრემიერ-მინისტრის ოფისთან ახლოს აფეთქება მოხდა. პოლიციის ინფორმაციით, აფეთქების შედეგად 7 ადამიანი გარდაიცვალა და 10 დაიჭრა, რომელთაგანაც ორი უმძიმეს მდგომარეობაში საავადმყოფოშია მოთავსებული.
პოლიციამ ოსლოს მაცხოვრებლებს მოუწოდა დაეტოვებინათ ქალაქის ცენტრი და სახლებიდან არ გამოსულიყვნენ. აფეთქება იმდენად ძლიერი იყო, რომ სამთავრობო 17 საერთულიან კორპუსში თითმის ყველა ფანჯარა ჩაიმსხვრა. ახლოს განაგებულ შენობებში ხანძარი გაჩნდა. ცენტრი კვამლში გაეხვა.