ლევან გაჩეჩილაძე არის ადამიანი, რომელმაც 3 წლის განმავლობაში მინიმუმ 3-ჯერ გაყიდა საკუთარი ხალხი, - ამის შესახებ "ქართული პარტიის" ლიდერმა ირაკლი ოქრუაშვილმა ტელეკომპანია "მაესტროსთვის" მიცემულ ექსკლუზიურ ინტერვიუში განაცხადა.
ოქრუაშვილი 2011 წლის 25 მაისის შემდეგ ლევან გაჩეჩილაძის ფინანსურ მდგომარეობაზე საუბრობს და ამბობს, რომ გაჩეჩილაძემ 25 მაისის შემდეგ ვალები გაისტუმრა.
"მშვენივრად მესმის, რომ 5 მლნ არ არის პატარა თანხა, როცა კისერზე გაწევს ვალად და ამდენი მევალე დაგსდევს, მაგრამ როდესაც ამ მდგომარეობას იუმჯობესებ ხალხისა და საკუთარი ქვეყნის ხარჯზე, ნაძირალა ხარ და მეტი არაფერი. ის გამყიდველი იყო, პარტიის მიერ მიღებული ყველა გადაწყვეტილება მიჰქონდა ხელისუფლებასთან", - განაცხადა ოქრუაშვილამ.
მან ჟურნალისტს ლევან გაჩეჩილაძის მიერ ხელმოწერილი დოკუმენტებიც გადასცა და განუმარტა, რომ ხელმოწერილი დოკუმენტებით დასტურდება რას ითხოვდა ყოველი კვირაში და რა ჯდებოდა ლევან გაჩეჩილაძის შენახვა.
"გითხრათ, რომ არ არის მისი ხელნაწერი. ვიდეოფაილებსაც მოგცემთ, რა დროს რამდენი ფული აქვს აღებული. ეს არის ადამიანი, რომელმაც 3 წლის განმავლობაში მინიმუმ 3-ჯერ გაყიდა საკუთარი ხალხი", - განაცხადა ოქრუაშვილმა.
