გოდერძის კურორტი პირველ დამსვენებლებს დეკემბერში უმასპინძლებს. აჭარის მთვარობის თავმჯდომარემ რეგიონალური განვითარებისა და ენერგეტიკის მინისტრებთან ერთად გოდერძის უღელტეხილზე "ოთხი სეზონის კურორტის" სამუშაო პროექტის დეტალები ქედაში განიხილა.
სამშენელებლო კომპანიებმა: "გეო გრაფიკმა" და "გეო-არსმა" გოდერძის უღელტეხილზე ევროპული სატნდარტების სათხილამურო ტრასების, საბაგიროების, სასტუმროებისა და შესაბამისი ინფრასტრუქტურის მოწყობისთვის აუცილებელ სამუშაოებზე ისაუბრეს. ექსტპერტთა დასკვნით, გოდერძის უღელტეხილზე დაახლოებით იმავე მასშტაბების ზამთრის კურორტისა და სათხილამურო ბილიკების მოწყობა შეიძლება, როგორც გუდაურში.
"უღელტეხილზე საბაგირო გზა და დასასვენებელი კომპლექსები აშენდება. კურორტი ტურისტებს მთელი წლის განმავლობაში უმასპინძლებს და რეგიონში ტურისტების რაოდენობის გააორმაგებს. პირველი საბაგირო და კურორტი აქ უკვე მომავალ ზამთარს უნდა ამუშავდეს", - განაცხადა ლევან ვარშალომიძემ.
მანამდე აჭარის მთვარობის თავმჯდომარემ საქართველოს მთავრობის წევრებთან ერთად ბათუმი-ახლაციხის ქედის მონაკვეთზე 15-კმ-იანი რეაბილიტირებული გზა მოინახულა.
"ამ მონაკვეთზე მსოფლიო სტანდარტების შესაბამისი გზა უმოკლეს ვადაში გავაკეთეთ. მოსახლეობას ვპირდებით, რომ სარეაბილიტაციო სამუშაოები ხულოში გადაინაცვლებს და რაიონებიდან ბათუმში ჩამოსვლას 5-4 საათის ნაცვლად 1:30 საათს მოანდომებს", - განაცხადა რამაზ ნიკოლაიშვილმა.