პოლონეთი Nabucco-ს პროექტის მხარდაჭერას მომავალშიც აპირებს, რომელიც გაზით ევროპას მოამარაგებს, ამის შესახებ განცხადება პოლონეთის საგარეო საქმეთა მინისტრმა როდისლავ სიკორსკიმ გააკეთა.
მინისტრის აზრით, Nabucco - ძალიან საჭირო პროექტია, რომელიც ევროპას გაზის დივერსიფიკაციაში დაეხმარება. სიკორსკის აზრით შესაძლოა "სამხრეთის ნაკადი" და Nabucco შესაძლოა გაერთიანდეს.მან ასევე აღნიშნა, რომ ორივე პროექტის განხორციელება დაიგეგმა მანამდე, ვიდრე პოლონეთსა და სხვა ქვეყნებში ფიქალური გაზის მონაცემები გაჩნდებოდა. მისი თქმით, პოლონეთმა შესაძლოა გაზის გერმანიასაც მიაწოდეს და ამით რუსეთი მეტოქე გახდეს.
შეგახსენებთ, რომ Nabucco-ს კონსროციუმიში გაერთიანებულნი არიან თურქული კომპანია Botas, Bulgarian Energy Holding, უნგრული MOL PLC, ავსტრიული OMV Gas&Power, GmbH გერმანული RWE და რუმინული Transgaz.
პროექტის ყოველ მონაწილეს პროექტში 16,67 %-იანი წილი აქვს. TumcaRa International Petroleum Investment Company (IPIC) უკვე ფლობს აქციათა 20 %-ს ავსტრიულ OMV Gas&Power GmbH -ში.
Nabucco-ს პროექტი ითვალისწინებს კასპიური გაზის ევროპაში მოხვედრასც აზერბაიჯანის, საქართველოს, თურქეთის, ბულგარეთის, უნგრეთის, რუმინეთისა და ავსტრიის გავლით. პროექტის თანახმად, გაზსადენი ბაქო-თბილისი-ერზერულის გაზსადენის გაგრძელება გახდება და ყოველწლიურად 20-30 მლრდ კუბური მეტრის გაზის გატარებას უზრუნველყოფს.
