"საქართველოს რკინიგზას" პასუხი ჯერ კიდევ არ აქვს, თუ რატომ არ მუშაობს მატარებელში კონდიცირების სისტემა. როგორც "ჯი-ეიჩ-ენს" "საქართველოს რკინიგზაში" განუცხადეს, თათბირი ჯერაც არ დასრულებულა. "თათბირზე მივაწოდეთ ინფორმაცია, სადაც განიხილავენ ამ საკითხს და მიზეზი ამის შემდეგ გვეცოდინება", - აცხადებენ საქართველოშ რკინიგზაში.
თათბირი 11:00 საათიდან 3 საათზე მეტია მიმდინარეობს.
შგახსენებთ, რომ "საქართველოს რკინიგზაში" თბილისი-მახინჯაურის მიმართულებით მგზავრთა კომფორტულ გადაყვანს ვერ უზრუნვეყოფს. მატარებელში ხაშურის სადგურზე კონდიცირების სიტემა გამოირთო. მგზავრების პროტესტის შემდეგ გამცილებელმა მგზავრებს განუმარტა, რომ ხაშურის შემდეგ კონდიცირების სიტემა არ მუშაობს. თუმცა მიზეზი არ დაუკონკრეტებია.
მგზავრები გამოთქვამენ უკმაყოფილებას, რადგან მათ ბილეთის ყიდვისას არ განუმარტეს, რომ კონდიცირების სისტემა არ მუშაობდა. მათივე თქმით, ბილეთზე აწერია, რომ მატარებელი არის მოდერნიზებული და ფასიც შესაბამისი გადაიხადეს.
"თუ ეს მოდერნიზებულია, უკვე მეცოდება ის ხალხი, რომელიც არამოდერნიზებული მატარებლით მგზავრობს. ყველაზე მთავარი კი ისაა, რომ ადამიანებს ატყუებენ.", - აცხადებს "ჯი-ეიჩ-ენთან" საუბარში ერთ-ერთი მგზავრი.
კიდევ ერთმ მგზავრმა, რომელმაც თქვა, რომ მას ხშირად უწევს მატარებლით მგზავრობა, აღნიშნა, რომ ეს ყოველთვის ასეა და ამაზე პასუხი არავის აქვს.
"ჯი-ეიჩ-ენი" საქართველოს რკინიგზის საზოგადოებასთან ურთიერთობის სამსახურს დაუკავშირდა, თუმცა როგორც ყოველთვის, მათი პასუხი მხოლოდ იმით შემოიფრგლა, რომ კომპეტენტურ პირი თაბირზე იმყოფება და ინფორმაცია მიწოდეს. თათბრის დამთავრების შემდეგ კი კომენტარს გაკეთებენ.
თბილისი-მახინჯაურის მიმართულებით მატარებელი თბილისიდან 08:50 საათზე გავიდა. კონდიცირების სისტემა კი 11:10 საათზე გამორთეს.
