გამომცემლობა "სამშობლოს" მფლობელი კვლავ არ გამოვლინდა. ობიექტი ელეტრონულ აუქციონზე დღეს უნდა გაყიდულიყო, თუმცა განაცხადების არსებობის გამო გამომცემლობა "სამშობლო" ისევ სახელმწიფო საკუთრებაში რჩება. თუმცა როგორც ეკონომიკიდა და მდგრადი განვითარების სამინისტროში განმარტავენ, "სამშობლო" აუქციონზე ისევ გავა.
კოსტავას ქ. №14-ში მდებარე 9447.00 კვ.მ არასასოფლოსამეურნეო დანიშნულების მიწის ნაკვეთისა და მასზე განთავსებული შენობა-ნაგებობების საწყისი ღირებულება 16 მლნ. 200 ათას ლარად იყო განსაზღვრული.
ეკონომიკისა და მდგრადი განვითარების სამინისტროს გამომცემლობა "სამშობლოს" შენობა ჯერ კიდევ 12 ივლისს უნდა გაეყიდა, თუმცა სამინისტრომ აუქციონის ჩატერბის თარიღი 7 დღით, 19 ივლისამდე გადასწია.
გამომცემლობა "სამშობლოს" შენობა აუქციონზე რამდენჯერმე იყო გატანილი, თუმცა ობიექტის გასხვისება ვერ მოხერხდა. გამომცემლობა "სამშობლოს" საპრივატიზაციო აუქციონი პირველად 2006 წლის 3 მარტს გაიმართა, მაშინ გამომცემლობის საწყისი ფასი 20 მლნ აშშ დოლარი იყო.