"პროკრედიტ ბანკმა" აშშ დოლარში გადახდების მაღალი ხარისხისთვის Citi Bank-ისგან ხარისხის აღიარების ჯილდო - "Citi 2010" მიიღო. ბანკის STP (straight through processing) მაჩვენებელმა 99%-ს გადააჭარბა.
"პროკრედიტ ბანკის" უნფორმაციით, ხარისხის აღიარების პრესტიჟული ჯილდო - "Citi 2010" იმ წამყვან ფინანსურ დაწესებულებებს გადაეცემა, რომლებიც კლიენტებს თანამედროვე საერთაშორისო STP (straight through processing) ელექტრონული გადახდების მომსახურებას უწევენ და საკორესპონდენტო საბანკო მომსახურებისა და პროცესინგის სიზუსტის დაცვის მკაცრ კრიტერიუმებს აკმაყოფილებენ.
აღსანიშნავია, რომ ერთი თვის უკან, "პროკრედიტ ბანკს" Dეუტსცჰე Bანკ-ის სავალუტო გადარიცხვების მაღალი ხარისხის სერტიფიკატი გადაეცა.
2010 წლის USD STP Excellence Award სერტიფიკატი პროკრედიტ ბანკმა წელს მეშვიდედ მიიღო, რაც მისი მომსახურების მაღალ დონეზე მიუთითებს.
STP (straight through processing) ფინანსური კომპანიების მიერ ტრანზაქციების სიჩქარის ოპტიმიზაციისათვის გამოიყენება. ანგარიშსწორების პროცესში ელექტრონულად შეყვანილი ინფორმაცია ერთი მხარიდან მეორეს ისე გადაეცემა, რომ იმავე ინფორმაციის ხელმეორედ შეყვანა აღარაა საჭირო. პროკრედიტ ბანკის შესახებ
შეგახსენებთ, რომ "პროკრედიტ ბანკი" მცირე და საშუალო ზომის საწარმოების კომპლექსურ მომსახურებაზე ორიენტირებული ერთ-ერთი წამყვანი ბანკია საქართველოში, რომელიც ფიზიკურ და იურიდიულ პირებს საბანკო პროდუქტების სრულ სპექტრს სთავაზობს. ბანკმა საქართველოში ფუნქციონირება 1999 წელს დაიწყო და ამჟამად ქვეყნის მასშტაბით 58 ფილიალი აქვს გახსნილი. ბანკი საერთაშორისო პროკრედიტ ჯგუფის წევრია, რომელიც წარმატებით ფუნქციონირებს აღმოსავლეთ ევროპის თერთმეტ, ლათინური ამერიკის შვიდ და აფრიკის სამ ქვეყანაში. პროკრედიტ ჯგუფს სათავეში უდგას სს პროკრედიტ ჰოლდინგი (მაინის ფრანკფურტი, გერმანია).
პროკრედიტ ბანკს საერთაშორისო სარეიტინგო სააგენტოსგან Fitch Ratings მინიჭებული აქვს BB- რეიტინგი, რომელიც საქართველოში ყველაზე მაღალი შესაძლო რეიტინგია.
2011 წლის ივნისის მდგომარეობით, "პროკრედიტ ბანკის" აქტივებმა 494 მლნ აშშ დოლარი შეადგინა. დღესდღეობით "პროკრედიტ ბანკი, საქართველოს" მომსახურებით 355,000-მდე კლიენტი სარგებლობს