20-25 ივლისს საქართველოს ტურიზმის ეროვნული სააგენტო წამყვანი ბრიტანელი ჟურნალისტების 6-კაციან ჯგუფს მასპინძლობს, რომლებიც საქართველოს სხვადასხვა კუთხეს, მათ შორის კახეთს, სვანეთს (მესტია), აჭარას (ბათუმი) და თბილისს დაათვალიერებენ.
ტურიზმის ეროვნული სააგენტოს ინფორმაციით, ჟურნალისტების ვიზიტის უმთავრეს მიზანს წარმოადგენს საქართველოს ტურისტული პოტენციალის გაცნობა და ამ თემაზე სტატიების მომზადება. ისინი ასევე ვრცელ პუბლიკაციებს დაწერენ ქართული სამზარეულოსა და ისეთი კულტურული ღონისძიებების შესახებ, როგორიცა ბათუმში მიმდინარე შავი ზღვის ჯაზ-ფესტივალი, მომღერალ მეისი გრეის კონცერტი, სეზონზე დაგეგმილი სხვა ღონისძიებები და ა.შ.
