ფინანსთა სამინისტროს ინფორმაციით, დეკლარაციაში გადასახადის თანხის შემცირების შემთხვევაში თუ იგი გამოწვეულია საგადასახადო ორგანოს მიერ პირის საგადასახადო ვალდებულების წარმოშობის მომენტის (პერიოდის) შეცვლით, პირი ნაცვლად 50 ან 75 პროცენტისა დაჯარიმდება 10 პროცენტის ოდენობით;

გაუქმდა გადასახადის ოდენობის ზღვრული ოდენობით შემცირების საფუძველზე ჯარიმის დიფერენცირება და პირი ნებისმიერი ზღვრული ოდენობით გადასახადის შემცირებისას ნაცვლად 50 ან 75 პროცენტისა დაჯარიმდება 50 პროცენტის ოდენობით
ასევე, აღურიცხველი საქონლისთვის დადგენილი ჯარიმები აღარ გავრცელდება ნედლეულისა და ძირითადი საშუალებების მიმართ და გავრცელდება მხოლოდ სარეალიზაციოდ გამზადებული საქონლის (მზა პროდუქციის) აღურიცხველობისას. აღურიცხველ საქონელზე (მზა პროდუქციაზე) ჯარიმის ოდენობა აღურიცხველი საქონლის საბაზრო ღირებულების 200 პროცენტიდან შემცირდა 100 პროცენტამდე; იმავდროულად, აღურიცხველი საქონლისთვის და საქონლის დანაკლისისათვის დადგენილი ჯარიმები არ გამოიყენება, თუ აღურიცხველი საქონელი და საქონლის დანაკლისი არ აღემატება ამავე სახის აღრიცხული საქონლის 2 პროცენტს;