კიევში, უკრაინაში საქართველოს საელჩოს დაცვა გააძლიერეს. ჩვეულებისამებრ, დიპლომატიურ წარმომადგენლობებს ორი ადამიანი იცავს. გაზოგადოდ მიღებული პრაქტიკაა, როდესაც ქვეყანა იცავს საელჩოებისა და საკონსულოების გარე პერიმეტრს.
დიპლომატიური წარმომადგენლობების შენობის შიგნით, კი "საკუთარი" თანამშრომლები და დაცვის სამსახური იმყოფება. ინფორმაციას ამის შესახებ "დელო" ავრცელებს.
მათი ინფორმაციით, დღეს უკრაინაში საქართველოს საელჩოსთან დაცვის ორი წევრის ნაცვლად ექვსი სამართალდამცავი დგას.
შეგახსენებთ, რომ გუშინ ამ საელჩოსთან საქართველოში ჯაშუშობის ბრალდებით დაკავებული ფოტოკორესპოდენტების მხარდასაჭერი აქცია გაიმართა. საელჩოდან გამოსულმა თანამშრომელმა, რომელიც კომენდანტი აღმოჩნდა აქციის მონაწილეებს გაყრა დაუწყო, ერთ-ერთი უკრაინელი ფოტოკორესპოდენტი კი სცემა. ყოველივე ამან სკანდალი გამოიწვია. დაზარალებული მილიციაში გამოცხადდა. უკრაინის საგარეო უწყება საქართველოს საელჩოს "ესაუბრა", შვებულებაში მყოფმა საქართველოს ელჩმა უკრანაში გრიგოლ ქათამაძემ კი ინციდენტისათვის ბოდიში მოიხადა და ამ თანამშრომლის დათხოვნის პირობა დადო.
