საქართველოს პრემიერ-მინისტრის პრესსამსახურის უფროსი ნიკოლოზ მჭედლიშვილი თანამდებობას ტოვებს.
როგორც მჭედლიშვილმა "ჯი-ეიჩ-ენს" განუცხადა, ის 1-ლი აგვისტოდან მუშაობას ერთ-ერთი იაპონური კომპანიის კავკასიის ოფისში, კორპორატიული ურთიერთობებისა და კომუნიკაციების მენეჯერის თანამდებობაზე გააგრძელებს.
"პრემიერ-მინისტრთან მუშაობა ძალიან საინტერესო იყო. მიმაჩნია, რომ ნიკა გილაური არის პოლიტიკოსი, რომელმაც მნიშვნელოვანი წვლილი შეიტანა თანამედროვე საქართველოს აღმშენებლობაში. მასთან მუშაობა ჩემთვის სასიამოვნო იყო. ხშირად დამღლელი, მაგრამ დინამიური სამუშაო მქონდა და რაც მთავარია, ეს იყო ჩემთვის უდიდესი გამოცდილება. თუმცა ამ ეტაპზე Japan Tobacco International -ში გადასვლა მიმაჩნია უფრო მისაღებად. ეს არის ჩემი გადაწყვეტილება", - განუცხადა "ჯი-ეიჩ-ენს" მჭედლიშვილმა.
ვინ დაიკავებს პრემიერის პრესსამსახურის უფროსის თანამდებობას, მჭედლიშვილისთვის უცნობია.
ნიკო მჭედლიშვილი აღნიშნულ პოსტზე 2010 წლის თებერვალში დაინიშნა.
