"ქრისტიან -დემოკრატიული მოძრაობა" ქობულეთის რაიონის სოფელ მუხაესტატეში გლეხებისთვის მიწების დაკანონებას და სასოფლო-სამეურნეო სამუშაოს წარმოების უფლების მიცემას ითხოვს.
ამის შესახებ დღეს პარტიის ქობულეთის ორგანიზაციის და ადამიანის უფლებათა კომიტეტის ხელმძღვანელმა განაცხადა.
თამაზ ბაკურიძის განცხადებით, აჭარის ფინანსთა და ეკონომიკის სამინისტრომ სოფელ მუხაესტატეში ადგილობრივ მცხოვრებლებს 10 ჰექტარი ფართობი გაუყიდა, რასაც მოსახლეობის მწვავე პროტესტი და უკმაყოფილება მოყვა.
"მოსახლეობა აღნიშნულ ტერიტორიებს სახნავ-სათესად და საძოვრად გასული საუკუნის 30-იან წლებიდან იყენებდა. მწვავე პროტესტის შედეგად აღნიშნული ფართი გლეხს უკან დაუბრუნდა, მაგრამ როგორც ხელისუფლების წარმომადგენლები აცხადებენ, მხოლოდ დროებით სარგებლობის ნებართვით" - აცხადებს ბაკურიძე.
მისივე ინფორმაციით, გლეხებისთვის მიწათსარგებლობის უფლების ჩამორთმევა ასეულობით ოჯახის შიმშილისთვის გაწირვას ნიშნავს. "ქრისტიან-დემოკრატები" მიესალმებიან ხელისუფლების გადაწყვეტილებას მიწების დაბრუნების შესახებ და აღნიშნული მიწების გლეხებისთვის დაკანონებას ითხოვენ.
