ირანში საერთაშორისო სანავთობო ბირჟა შეიქმნა. ირანის საერთაშორისო სანავთობო ბირჟის გახსნის ცერემონიალზე, ქვეყნის ფინანსთა მინისტრმა შამსედდინ ხოსეინმა განაცხადა, რომ ირანში საერთაშორისო სანავთობო ბირჟის შექმნამ ახალი გვერდი გახსნა ქვეყნის სანავთობო მრეწველობის ისტორიაში. ეს ბირჟა გახდება არა მარტო ახალი პლატფორმა ირანული ნავთობითა და ნავთობპროდუქტებით ვაჭრობისათვის, არამედ გახსნის ასევე ახალ და ფართო საინვესტიციო შესაძლებლობებს უცხოელი ინვესტორებისათვის.
ხოსეინმა აღნიშნა, რომ სანავთობო ბირჟის გახსნა მიუთითებს იმაზე, რომ ირანული მთავრობა ამცირებს მონოპოლიას და კონტროლს ნავთობზე, ასევე მოიზიდავს ეკონომიკის კერძო და სხვა სექტორებს სანავთობო გარიგებებში მონაიწოლების მისაღებად.
ირანის ნავთობის მინისტრის მოვალეობის შემსრულებელი მუხამმედ ალი აბადის თქმით, ირანული სანავთობო ბირჟა გახდება კიდევ ერთი პლატფორმა ნავთობზე ფასების ჩამოყალიბების პროცესის ინტერნაციონალიზაციისათვის, ასევე ხელს შეუწყობს ნავთობის ექსპორტიორი ქვეყნების უფრო დიდი ოდენობის მონაწილეობას საერთაშორისო ბაზრებზე ნავთობის ფასის დადგენაში, რაც გააფართოვებს კერძო საწარმოების წრეს, რომლებიც ჩადებენ ინვესტიციებს ირანის ნავთობისა და გაზის მრეწველობის განვითარებაში.