TOURINVEST-ი ბათუმში ორ საინვესტიციო პროექტს ახორციელებს, საუბარია სასტუმროსა და საცხოვრებელი სახლის მშენებლობაზე, რომელიც ყოფილი ტურბაზის ტერიტორიაზე, ბულვარში აშენდება.
საერთაშორისო ინვესტორთა ასოციაციის ინფორმაციით, ამ ეტაპზე დასრულებულია ფუნდამენტის მშენებლობა და მიწისქვეშა პარკინგის სამუშაო. აგვისტოში შავი კარკასის აღმართვის შესახებ ტენდერი გამოცხადდება. სასტუმრო და საცხოვრებელი კომპლექსი ექსპლუატაციის შემდეგ Hiltoni-ის ბრენდის ქოლგის ქვეშ იმუშავებს.
"პროექტის ღირებულება 90 მილიონი ევროა. გარკვეულ საგადასახადო ვალდებულებებთან დაკავშირებით მთავრობას წერილობით მივმართეთ. მიღებული გადაწყვეტილებით, ბიუჯეტიდან დღგ-ის სახით გადახდილი თანხა - 4 მილიონი ლარი კომპანიას უკან დაუბრუნდა და მიწისქვეშა პარკინგის სამუშაოებს მოხმარდა", - აცხცადებს TOURINVEST- ის იურიდიულ საკითხთა და საზოგადოებასთან ურთიერთობის განყოფილების უფროსი რომან ფუტკარაძე.
