"ომის დასრულების შემდეგ ჟენევის მოლაპარაკების ფორმატი მნიშვნელოვან როლს თამაშობს, ერთი მხრივ, იმის უზრუნველყოფაში, რომ არსებული მდგომარეობის ფარგლებში სტაბილურობა იყოს შენარჩუნებული, მეორე მხრივ იმიტომ, რომ ის ქმნის შესაძლებლობას, მხარეებმა გამონახონ საერთო ენა, რათა პროგრესი იქნას მიღწეულ", - განუცხადა ბასმა ჟურნალისტებს.

რაც შეეხება საქართველოს ოკუპირებული ტერიტორიებიდან დევნილთა საკითხის გაეროში განხილვას, აშშ-ს ელჩი მას მიესალმება და აცხადებს, რომ მნიშვნელოვანია რეზოლუციით მოხდეს ორივე მხარისადმი მოწოდება იმისა, რომ იძულებით გადაადგილებული პირების დაბრუნება თავის მუდმივ საცხოვრებელ მიწაზე, აუცილებლად უნდა მოხდეს.

შეგახსენებთ, რომ რუსეთის საგარეო საქმეთა მინისტრ სერგეი ლავროვის განცხადებით, მოსკოვი არ გამორიცხავს, რომ საქართველოს ტერიტორიიდან დევნილთა საკითხის განხილვა და ამ პრობლემაზე მუშაობა ჟენევის ფორმატში შეწყდეს.