საქართველოს დემოკრატიულ განვითარებაზე გამართული მსჯელობის დროს ევროსაბჭოს მინისტრთა კომიტეტში ქვეყნის შესახებ ჟან ლუი ლორანის მოხსენება განიხილებოდა, რომლის შედეგად ევროსაბჭოს უნდა მიეღო გადაწყვეტილება საქართველოში მიღწეული პროგრესისა და გატარებული რეფორმების მხარდასაჭერად. თუმცა ეს ინიციატივა რუსეთისთვის მიუღებელი აღმოჩნდა.
რუსეთის ფედერაციის დელეგაცია ჟან ლუი ლორანის მოხსენებიდან ორი პუნქტის ამოღებას ითხოვდა. კერძოდ, დოკუმენტში წერია, რომ ევროსაბჭოს წევრი ქვეყნები მიესალმებიან იმ მიღწეულ პროგრესს რომელიც აქვს საქართველოს - სწორედ ამ ფრაზის ამოღებას მოითხოვდა რუსეთის დელეგაცია. ასევე რუსეთის ფედერაცია არ ეთანხმება ევროსაბჭოს შეფასებით ნაწილში, რომ საქართველო ასრულებს ყველა ნაკისრ ვალდებულებას, რომელიც აქვს ევროსაბჭოს წინაშე აღებული. ამისათვის რუსეთის დელეგაციამ განხილვისას რადიკალურ ზონებს მიმართა და მოითხოვა კენჭისყრის ჩატარება. კერჭისყრა ჩატარდა რუსეთის ფედერაციის მოთხოვნით, სადაც ერთადერთი, ვინც მხარი დაუჭირა ამ ფრაზების ამოღებას იყო თავად რუსეთის ფედერაცია და ევროსაბჭოს არც ერთ წევრ-ქვეყანას ამისათვის მხარი არ დაუჭერია.
