2011 წლის ერთიანი ეროვნული გამოცდები დაიწყო. პირველი სესიისთვის რეგისტრაცია დასრულდა და ეროვნული გამოცდები ქართული ენისა და ლიტერატურის გამოცდით დაიწყო. საქართველოს მასშტაბით სულ 15 საგამოცდო ცენტრია. აქედან 3 თბილისშია. აგრარულ უნივერსიტეტში აბიტურიენტების რეგისტრაციის პროცესს დაესწრო საქართველოს განათლებისა და მეცნიერების მინისტრი დიმიტრი შაშკინი.
გამოცდები ტარდება სიღნაღში, თელავში, რუსთავში, თბილისში, გორში, ახალციხეში, ქუთაისში, ოზურგეთში, ფოთში, ზუგდიდში, ბათუმსა, ხულოში.
საგამოცდო პროცესში 1200 მეთვალყურე და კურატორია ჩართული. ასევე, კრიმინალური და საპატრულო პოლიციის 30-მდე ბრიგადა. ყველა საგამოცდო ცენტრში განთავსდება სამედიცინო პუნქტი, ცენტრთან კი სასწრაფო დახმარების მანქანა იმორიგევებს.
2011 წლის ერთიანი ეროვნული გამოცდებისათვის 34 ათასი აბიტურიენტია რეგისტრირებული.
