"ყველა ქართველი თავის ამქვეყნიურ ცხოვრებას სერიოზულად არ აღიქვამს, იგი იქცევა ისე, როგორც სტუმარი ამ დედამიწაზე", _ აცხადებს ჟურნალ "ეხო პლანეტი"-სთან საუბარში ქართველი რეჟისორი ოთარ იოსელიანი.
"ყველა ქართველი თავის ამქვეყნიურ ცხოვრებას სერიოზულად არ აღიქვამს, იგი იქცევა ისე, როგორც სტუმარი ამ დედამიწაზე. თან ხომ ვერაფერს წაიღებ. ყველაფერი - დიდება, პატივი, ფული, ხელისუფლება - ყველაფერი დროებითია. შიშვლები მოვედით და ასეთივენი წავალთ ამ ქვეყნიდან.
ამ ფილოსოფიის წყალობით, შენარჩუნდა კიდეც აქამდე ისეთი პატარა ქვეყანა როგორიც არის საქართველო. საქართველოში ყველა ძალიან დიდი ყურადღების აკვირდება იმას, თუ როგორ იქცევიან მათი ნათესავები და მეგობრები. სწორედ ეს ახლობელი ადამიანის თვალი გარიდებს შენ უსარგებლო მოძრაობებს, სულმდაბალ საქციელს და შფოთვას", _ აცხადებს ოთარ იოსელიანი და დასძენს, რომ "თითოეულმა ქართველმა იცის ერთი ძალიან მნიშვნელოვანი რამ - ყველაფერი ამ ქვეყანაზე ცუდად მთავრდება, ამიტომაც ისინი აფასებენ ცხოვრების ყველა ბედნიერ წუთს".
