ცნობილი რეჟისორი ოთარ იოსელიანი კითხვაზე პასუხის გაცემისას, თუ რომელ რეჟისორად მიიჩნევს თავს ქართველად, ფრანგად თუ საბჭოთა რეჟისორად აცხადებს, რომ იგი მსოფლიო ადამიანია. ეს განცხადება მან ჟურნალ "ეხო პლანეტი"-სთან საუბარში გააკეთა.
"ალბათ მე მსოფლიო ადამიანი ვარ. მე ბევრი რამ არ მომწონდა საბჭოთა კავშირში და ამიტომაც წავედი საფრანგეთში. ხოლო როდესაც ჩამოვდივარ რუსეთში და საქართველოში მე არ მომწონს, რომ ადამიანები, რომლებიც ხელისუფლებაში არიან და მათი დამქაშები იარლიყებს აკრავენ ხელოვან ადამიანებს. რა უფლება აქვთ მათ ეს გააკეთონ, ვინ არიან ისინი? მათ თავიანთი ფუნქცია უნდა შეასრულონ - უნდა ემსახურონ ადამიანებს, ამის ნაცვლად კი მხოლოდ საკუთარ თავს, თავიანთ ნათესავებს და მეგობრებს ემსახურებიან", _ აცხადებს რეჟისორი.
