ჩეჩნეთში 19 და 15 წლის გოგონების ცხედრები იპოვეს, რომლებიც ცეცხლსასროლი იარაღით არიან მოკლულნი. გოგონები დები არიან. ინფორმაციას ამის შესახებ სამართალდამცავ ორგანოებში არსებულ წყაროზე დაყრდნობით რუსული მედია ავრცელებს.
მათივე ინფორმაციით, გოგონების ცხედრებთან ასევე ნაპოვნია 5,45 კალიბრის ორი გილზი.
"მოკლული დები არც არსად სწავლობდნენ და არც მუშაობდნენ", _ იუწყება რუსული მედია. ფაქტზე აღძრულია სისხლის სამართლის საქმე და მიმდინარეობს გამოძიება.
