დღეს, 16 დეკემბერს, ბრიუსელში საქართველო-ევროკავშირს შორის დიალოგი გაიმართება. როგორც საქართველოს საგარეო საქმეთა მინისტრის მოადგილე ნინო კალანდაძემ განაცხადა, შეხვედრა ადამიანის უფლებების საკითხებს მიეძღვნება. კალანდაძის განმარტებით, შეხვედრაზე საქართველოს ხელისუფლების სამივე შტო - აღმასრულებელი, საკანონმდებლო და სასამართლო ხელისუფლება იქნება წარმოდგენილი.
მისი თქმით, საქართველო-ევროკავშირს შორის დიალოგი წელიწადში ორჯერ იმართება.
"წელს ერთი შეხვედრა უკვე გაიმართა. მასზე მედიის თავისუფლებასა და იძულებით გადაადგილებული პირების პრობლემებზე იყო საუბარი", - განმარტა მან.
აღნიშნულ შეხვედრაზე საქართველოს დელეგაციას ბრიუსელში საგარეო უწყების ხელმძღვანელის მოადგილე ალექსანდრე ნალბანდოვი უხელმძღვანელებს.
