მერიას ავარიული შენობების დემონტაჟისთვის მესაკუთრის თანხმობა აღარ სჭირდება. აღნიშნულთან დაკავშირებით "სივრცითი მოწყობისა და ქალაქთმშენებლობის საფუძვლების შესახებ" კანონში ცვლილებები პარლამენტმა მესამე მოსმენით დაამტკიცა.
მიღებული გადაწყვეტილების თანახმად, მერია უფლებამოსილი ხდება, შენობის დემონტაჟი, რომლის არსებობა ადამიანის სიცოცხლეს ან ჯანმრთელობას საფრთხეს უქმნის, მესაკუთრის თანხმობის გარეშე განახორცილოს.
იმავე ადგილას ახლად აშენებული შენობის ფართობი, სულ მცირე, დემონტაჟირებული შენობის ფართობის ტოლი უნდა იყოს.