ავიარეისის არხანგელსკი-მოსკოვის შესრულების დროს არაფხიზელ მდგომარეობაში მყოფმა აფხაზური ე.წ. ოფიციალური დელეგაციის წევრებმა რუსეთის სამხედრო-საზღვაო ფლოტის ადმირალს ფიზიკური შეურაცხყოფა მიაყენეს და ცხვირი გაუტეხეს. ინფორმაციას ამის შესახებ რუსული მედია ავრცელებს.
"ოფიციალურმა რეისმა ინციდენტის გამო "ტალაგის" აეროპორტში საათნახევრით დააგვიანა. მიზეზი სოხუმის დელეგაციის წევრების მთვრალი გამოხტომები გახდა. აღსანიშნავია, რომ სოხუმი ახლახანს ქალაქ არხანგელსკს დაუძმობილდა", _ იუწყება რუსული მედია.
მათივე ინფორმაციით, "დაძმობილების" შემდეგ არხანგელსკისა და სოხუმის წარმომადგენლების ერთობლივი დელეგაცია სოხუმში გამოფრინდა.
"თვითმფრინავის ბორტზე სოხუმის დელეგაციის წევრები არაფხიზელ მდგომარეობაში იმყოფებოდნენ და ხმამაღლა ბილწსიტყვაობდნენ რუსულ ენაზე. ამავე ლაინერის რუსეთის სამხედრო-საზღვაო ფლოტის ადმირალები იმყოფებოდნენ, რომლებმაც აფხაზური დელეგაციის წევრებს შენიშნვა მისცეს. ამის გამო აფხაზური დელეგაციის წევრებმა მას ფიზიკური შეურაცხყოდა მიაყენეს და ცხვირი გაუტეხეს", _ იუწყება რუსული მედია.
