საპარლამენტო უმრავლესობის მტკიცებით, ქუთაისში პარლამენტის მშენებლობა 57 მილიონ ლარამდე დაჯდება. ამის შესახებ პარლამენტის რიგგარეშე სხდომაზე საფინანსო-საბიუჯეტო კომიტეტის თავმჯდომარემ, ზურაბ მელიქიშვილმა განაცხადა.
"ხელისუფლება ამბობს, რომ საქართველოს ყველა რეგიონი უნდა განვითარდეს და თუ საჭიროა, ამისთვის პოლიტიკური დეცენტრალიზაცია, განახორციელებენ", - განაცხადა მან.
მისი თქმით, აქამდე ადამიანს თუ რამის მიღწევა უნდოდა, აუცილებლად თბილისში უნდა ჩასულიყო.
"ჩვენ, პარლამენტარები, თბილისის ძვირადღირებულ ადგილას, ყველაზე ძვირადღირებულ შენობას ვთმობთ", - აცხადებს მელიქიშვილი და დასძენს, რომ ეს არა მხოლოდ ქუთაისელებისთვის, არამედ მთელი საქართველოსთვის არის კარგი გადაწყვეტილება.
