ფინანსთა მინისტრი ქვეყანაში სტიქიის ზარალის მოცულობას ამ დროისთვის ვერ აკონკრეტებს, რადგანაც დიმიტრი გვინდაძის განცხადებით, ზარალის მოცულობა ამ დროისთვისაც დგინდება.
"ამ დროისათვის ზარალის მოცულობის შეფასება მიმდინარეობს. ორი დღის წინ ვიყავი ადგილზე. ბიუჯეტში არის შესაბამისი თანხა იმისათვის, რომ მაქსიმალურად შემჭიდროებულ ვადებში მოვახდინოთ რეაგირება", - აცხადებს ფინანსთა მინისტრი.
გვინდაძის თქმით, ზარალის ასანაზღაურებლად ბიუჯეტიდან გამოყოფილი თანხა ადეკვატური იქნება.
"თანხის მოცულობას ვერ გეტყვით, თუმცა გამოყოფილი თანხა იქნება ადეკვატური იმ მიდგომისა, რა მიდგომებიც ჩვენ გვაქვს", - განაცხადა გვინდაძემ.
შეგახსენებთ, რომ რამდენიმე დღის წინ გადაუღებელი წვიმებისა და ღვარცოფის შედეგად, რიკოთის უღელტეხილთან ზვავი ჩამოყვა, რამაც მიმდებარე ინფრასტრუქტურა გამოიყვანა მწყობრიდან. რამდენიმე ადამიანი დაიღუპა. დასავლეთ და აღმოსავლეთ საქართველოს შორის ტრანსპორტის გადაადგილება კი ამ დროისთვისაც შეფერხებულია.
