"პარლამენტის წინა სხდომაზე იყო შეშფოთებულ ტონში განცხადებები ხორცის ფასის ზრდასთან დაკავშირებით და ლამის ბრალდებული იყო ხელისუფლება, რომ თითქოს ხელოვნურად ცდილობს ხორცის გაძვირებას. დღეს ხორცის ფასი, ნამდვილად ძვირია, მაგრამ არ არის იმდენი, რამდენიც სახელდება - 17, 20 და 24 ლარი", - აღნიშნა ბობოხიძემ და აქვე დასძინა, რომ ხორცის ფასი ახლა 14 ლარია.

მისი თქმით, ძალიან მალე, როგორც კი ადმინისტრირების პრობლემა მოგვარდება და ახალი სასაკლაოები გაიხსნება, ფასის პრობლემა მოგვარდება.

რაც შეეხება სასაკლაოებს, დეპუტატის განცხადებით, ყველას აქვს სასაკლაოების გახსნის უფლება, თუ შესაბამის სტანდარტებს დაიცავს და საგადასახადო აღრიცხვაზე ავა და არასწორია ინფორმაცია, რომ თითქოს ხორცი დედაქალაქში მხოლოდ ნატახტარის სასაკლაოდან შემოდის.

"სპეციალურად დავინტერესდი და გავარკვიე, რომ მინიმუმ ხუთი სასაკლაოდან შემოდის ხორცი. ესენია ასპინძის, ხაშურის, ნატახტარის, გარდაბანი დაა თელეთის სასაკლაოები", - აცხადებს ბობოხიძე.

მისივე თქმით, დღეს თუ ვინმე ცდილობს ხორცის გაძვირებას, ეს ის სპეკულიანტები არიან, რომელთაც მონოპოლიზებული ჰქონდათ თბილისის ხორცის მომარაგება და "ხან ვირის და ხან ცხენი ხორცს ჰყიდნენ".

აკაკი ბობოხიძის განცხადებით, სახელმწიფოს აქვს ორი ამოცანა: ხორცი იყოს ხარისხიანი და იყო იაფიც, რაც ჯერ ვერ ხერხდება.