როგორც მოძრაობაში მიიჩნევენ, გაეროს რეკომენდაციით,რეალური სურათის დასადგენად მოსახლეობის საყოველთაო აღწერა ტარდება 10 წელიწადში ერთხელ.

"გამომდინარე აქედან, ვფიქრობთ, რომ სწორედ ეს გახლავთ ყველაზე რეალური გზა როგორც მოსახლეობის რეალური ოდენობის,ისე ამომრჩეველთა ზუსტი რიცხვის დასადგენად. მოსახლეობის საყოველთაო აღწერის წესი განსაზღვრულია 2009 წლის 11 დეკემბრის კანონის"ოფიციალური სტატისტიკის შესახებ" მეხუთე მუხლით.საჭიროა 2012 წლის ბიუჯეტის პროექტში აღწერის ხარჯების გათვალისწინება", - მიიჩნევს "ჩემი საქართველო".
მოსახლეობის საყოველთაო აღწერა საქართველოში გასულ საუკუნეში ექვსჯერ ჩატარდა.პირველი 1926 წელს,ბოლო 1989 წელს.დამოუკიდებელ საქართველოში მოსახლეობის პირველი საყოველთაო აღწერა 2002 წლის იანვარში გაიმართა.

1989 წლის აღწერით საქართველოს მოსახლეობა 5 443 000 კაცი იყო. 2002 წელს 4 601 500. ამ მონაცემების მიხედვით, 13 წლის განმავლობაში საქართველოს მოსახლეობა ერთი მეხუთედით შემცირდა

2002 წლის აღწერის შედეგების მიხედვით საქართველოს მოსახლეობის 83,8 % ქართველი, 6,5 % აზერბაიჯანელი, 5,7, % სომეხი, 1,5 % კი რუსი ეროვნებისა იყო.

2002 წლის მონაცემების მიხედვით თბილისში 1 136 000, ქუთაისში 188 600, ბათუმში 122 000, რუსთავში 117 300, გორში 42 000, ზუგდიდში 69 000, ფოთში 47 000 ადამიანი ცხოვრობდა.
მოსახლეობის საყოველთაო აღწერა ტარდება ქვეყნის ყველა ადმინისტრაციულ ერთეულში მოსახლეობის შესახებ ზუსტი მონაცემების მისაღებად,რაც აუცილებელია მოსახლეობის დემოგრაფიული ვითარების დადგენისა და სოციალურ-ეკონიმიკური განვითარების პრიორიტეტების განსაზღვრისათვის.