ხვალ, 21 ივნისს, მართლმადიდებელი ეკლესია ოსმალ დამპყრობთა წინააღმდეგ მებრძოლი ქართველი გმირის, თევდორე კველთელის ხსენების დღეს აღნიშნავს.
1609 ოსმალთა ჯარი ქართლში შეიჭრა და ცდილობდა გზა გაეკვლია მეფის ბანაკისკენ. ოსმალებმა სოფელ კველთის მღვდელი, თევდორე კველთელი შეიპყრეს და მეგზურობა უბრძანეს. თევდორე კველთელმა მტერი სხვა მიმართულებით გაიტყუა და დააშორა ისინი ცხირეთის ციხეს, სადაც მეფის ბანაკი იდგა. ბოლოს ოსმალები მიუხვდნენ განზრახვას და წამებით მოკლეს. თევდორე მღვდლის თავგანწირვამ მრავალი ადამიანის სიცოცხლე იხსნა და საშუალება მისცა მეფე ლუარსაბ II-ს, მომზადებული დახვედროდა მტერს.
